王浩信YoYo拉簾生活

王浩信與女友陳自瑤早前在家中被偷拍，他表示兩人已克服心理障礙，也未有因刻意避忌而影響拍拖生活，只會加倍小心，謹記在家中拉窗簾以保私隱。

王浩信與女友陳自瑤（YoYo）拍拖多年，感情穩定，最近各有各忙。問到會否因早前在家中甜蜜煙韌被偷拍而令「同居」生活有所避忌？他說：「冇刻意，始終係我哋嘅正常生活，唔通我喺屋企着禮服咩？（仍處於恐懼狀態？）我OK，克服咗，會小心啲，始終想保障番自己嘅私隱。YoYo呢排多咗劇，我哋多咗傾演技上嘅嘢。（YoYo已經克服咗？）佢處理得好好，擺晒心機喺拍劇上，健康嘅。」問到偷拍事件進展如何？他說：「依家等緊私隱專員公署嘅進一步調查，佢哋有講過會嚟我屋企搜集證據。」

專注舞台劇

王浩信自言對音樂仍抱熱誠，問到會否唱劇集主題曲或插曲？他說：「安排緊，但始終呢兩年劇集嘅產量唔多，專注喺舞台劇，反而舞台劇方面就唱咗主題曲。」他指不能強求再次發展歌唱事業，但會爭取機會，問到是否正爭取與胡杏兒合唱新劇《換樂無窮》的主題曲？他說：「希望啦，會同佢斟斟。以前同佢出席活動介紹咗佢畀Neway，依家到佢帶住我，要叫佢公司整番首歌畀我哋唱啦！」