Phoebe剝Bra周屋走

為寫真大膽拍攝露毛照的o靚模許穎,日前接受ontv《娛樂on Show》主持人周吉佩訪問時,言談開放的她更自爆在家唔戴Bra!

許穎(Phoebe)最近獲邀接受ontv《娛樂on Show》主持周吉佩(吉吉)訪問,身穿小背心的她,埋位前手執即影即有相機與吉吉互影,更鬥擺Chok甫士,為訪問熱熱身,場面搞笑!

Phoebe今年推出的寫真集由日本攝影大師米原康正操刀,當中一張露毛照惹來不少爭議!她自言拍照時沒有顧慮走光、露毛等問題:「喺米原康正面前,我好似變咗另一個自己,影嗰時冇顧及太多嘢,下次可能影再厲害啲嘅!」她早前亦參演電影《喜愛夜蒲》,飾演跑私鐘的女生,與恭碩良有一幕激情戲,對方更投入到為她即興解Bra帶:「嗰下有少少驚,我驚走光咪壓埋佢度囉!(佢解得好快?)係呀!真係神奇手!我問過佢點解咁勁,佢話因為佢打鼓o架喎!」

忘我拍寫真

Phoebe性格不拘小節,面對吉吉的大膽提問亦面不改容,問到在家會否戴Bra?她毫不尷尬回答:「我喺屋企唔戴Bra,因為箍住唔舒服,返屋企咪放鬆吓囉!(齋着底褲周圍走?)咁又唔會,費事畀人望到啦!」提到經常互寸的死敵Jeana,她說:「好悶呀又講佢!我覺得佢好黑心,唔出聲好啲,佢講嘢唔好聽,我唔鍾意聽佢把聲囉!」想知Phoebe更多私密?快Click上ontv睇片啦!

專案組

Phoebe身穿小背心配短打,一副標準戰鬥格。

周吉佩示範「高炒」,Phoebe亦擺Kawaii甫士襯番。

許穎與吉吉大談寫真經,難得她全程面不改容。

影完一輪,二人欣賞即影即有作品。