馬國明奸得有道理
馬國明接連兩劇都演奸角，問他頻頻演奸角可有被貶之感？他說：「做咗忠咁多年，作為演員奸角仲好玩，簡直係求之不得！但覺得自己仲未夠奸，希望有套戲可以再奸啲，去得再盡，我唔介意繼續做奸角o架！」
向來踏實的馬國明，講到攞獎，也變得「現實」，他笑說：「恨攞獎o架！老實講，有獎做嘢叫價都高啲啦！不過如果有獎金，就情願揀獎金！」
談到今晚大結局的《紫禁驚雷》，馬國明最難忘是結尾在金鑾大殿的逼宮戲：「場戲有成四十幾頁紙，係拍戲以來最辛苦、最多對白嘅一場戲，足足拍咗三晚，嗰三日心情都好沉重，好難忘。」
