Leila抱巨B練臂力

向來注重環保的唐寧(Leila),做媽咪後更支持有機生活,早前她獲邀到有機肥皂及沖涼液的製造工場炮製有機沐浴用品,除要將5公升重的鐵桶搬來搬去,又用力將材料攪至膠着狀,非常辛苦!她笑說:「好彩我個仔係超級巨B,平時抱佢練到唔少手力,搬重嘢難唔到我!」唐寧表示嚮往有機生活,全因受媽咪啟發:「平時買完一大Pack廁紙返屋企,通常都會掉咗個膠袋,但媽咪會留起佢,剪成兩截用嚟套垃圾桶,我好佩服佢咁物盡其用同有環保頭腦!」

唐寧出盡力攪拌材料,大汗疊細汗!

向來注重環保的唐寧,親自炮製有機沐浴用品。