情侶檔合唱李泳漢王從希唔過電

李泳漢與王從希最近有不少合作機會，更在歌舞劇中合唱，被打造成新一代「舞台情侶」。問到會否擔心傳緋聞，泳漢笑說：「唔驚，做嘢啫！」

有意在樂壇發展的李泳漢，獲賞識參演歌舞劇《三八繽紛夜》，並與母親施明及前港姐王從希分別以「母子檔」及「情侶檔」姿態上陣！在劇中一展歌喉的泳漢表示，將獻唱其作品，內容主要針對80後：「我覺得佢哋太多負能量，想幫佢哋打打氣！」問到會否模仿劉子千將作品放上YouTube，他說：「暫時未有咁嘅打算，遲啲先算啦！」

失戀泳豪心情好轉

由於《三》劇首場反應熱烈，未來數月會繼續公演，但為切合市場口味，形式會有少許改變，包括加插泳漢與從希的合唱及獨唱環節。問到與靚女如此多合作機會，會否擔心傳緋聞，泳漢笑說：「唔會驚，都係做嘢啫！」不過，他大讚從希對演藝事業有熱誠，甚有大將之風。

談及弟弟泳豪的近況，泳漢與施明均表示「雨過天青」，施明說：「佢開朗咗好多，冇事喇！希望件事真係告一段落！」除關心細孖外，施明更特地為泳漢設計珠片西裝，果然是廿四孝慈母！