陳豪Aimee奉旨Sweet

陳豪默認與陳茵媺拍拖！春風滿面的他承認感情生活開心又Sweet，更坦言「唔講反話」，還透露二人將於下月合作新劇，可能飾演情侶！

早前被本報踢爆與陳茵媺（Aimee）在深井「行宮」拍拖密會的陳豪（Moses），昨日出席活動時，其母亦有到場支持。大會送上兩條披肩，一條繡了代表他的「M」字，司儀打趣問另一條是否繡上「A」字？明顯是指Aimee，Moses即甜笑說：「A字都好，A字代表高分數。」事後記者問他會否將披肩送給Aimee？他笑說：「都好！（有冇送過嘢畀佢？）有，送啲咖啡同甜品咁啦﹗」

激讚人品好

Moses大讚Aimee人品好、性格開朗又努力工作，問到是否有共識公開戀情？他說：「畀我哋再約會多幾次先啦！我都想低調，可惜畀你哋捉到幾次。（依家好Sweet？）係o架！（感情生活好開心？）OK啦！（公開唔想講大話？）我一向都感情低調，不過你哋問起我，真係唔想講反話，盡量唔高調處理啦！」他又透露下月與Aimee合作拍新劇，至於是否飾演情侶，他則大賣關子：「總之你哋會好開心！」而麥長青（麥包）昨日宣傳劇集時，對於Moses及Aimee在深井密會，他澄清當日二人只是到他家作客，並非住在該大廈。