Down爆娜姐隨時殺男友

近日盛傳周秀娜因男友Avis暗追傅穎,加上身在馬來西亞拍戲的她未能抽離角色,情緒瀕臨崩潰邊緣。她接受電話訪問時,除了承認情緒低落外,還講明若Avis仍周街識女仔,必定家法侍候!

周秀娜為拍新片《紙月亮》,已整整一個月沒有返港。早前有傳男友Avis趁「老虎乸」不在,暗撻是非多多的傅穎,激到周秀娜嘔血!加上她在新片中的角色性格沉重,未能抽離,近日更不時在微博吐苦水,惹來患情緒病疑雲。

咬家棟發洩

本報記者致電身在馬國的周秀娜,她承認近日情緒極度低落:「呢排心情真係差到極點,戲入面我既要殺人,又要畀人殺,所以真係好唔開心,就快去到臨界點!今日(昨日)我同林家棟拍一場火車站喊戲,家棟就走埋嚟問我乜事,我問佢可唔可以咬佢一啖,佢話冇問題,咁就一口咬落去。不過我堅決否認痛毆家棟,只係咬佢咋!」

對於Avis與傅穎傳緋聞一事,周秀娜笑說:「如果佢仲周街識女仔,下一個就殺咗佢!其實佢哋冇可能啦!加上傅穎同羅仲謙唔係第一次分手,可能過幾日又喺番埋一齊呢!」

專案組

Avis一向對周秀娜疼愛有加。