超儀報警查可疑車

何超儀昨日凌晨在微博表示發現可疑車輛停泊在其渣甸山睦誠徑寓所門口,並留言:「你知道我們已拍了你很多照片嗎?我會報警的。」她昨日受訪時說:「我幾肯定唔係記者車,冇理由有架租車公司嘅車泊喺度,個個傳媒都知我住邊,唔係記者反而更擔心!我叫看更去問,佢話係電訊公司,之後再叫看更去拎卡片,架車就開走,好可疑,見佢走咗,所以當時冇報警。」她向電訊公司查詢後,發現車輛有可疑,決定報警:「朝早叫工人打去各大電訊公司問有冇派人去我屋企外整嘢,回覆係冇,仲話如果係檢查,會用公司Logo車,仲會同看更打招呼同出示工作證。」

超儀發現有可疑車輛泊在家門前,決定報警求助。(資料圖片)