Crystal發誓冇同謙仔拍拖
組合HotCha昨日到電台宣傳新專輯，對於被指與羅仲謙拍拖三年，有備而來的Crystal說：「好無辜！我連佢手提電話都冇。」隨即發誓表清白，身旁兩位好姊妹Regen及Winkie出言力撐：「如果佢有拖拍，我哋點會唔知，佢依家都不知幾Dry，皮膚都乾晒！」由於Crystal手及頸分別有紅印，即被取笑遭羅仲謙虐打，Crystal無奈扁嘴說：「唔係呀！都估你哋會咁講，係畀蚊針咋！大家唔好敏感啦！」對於羅仲謙被封賤男，Crystal說：「同佢唔熟，冇得評論。」而羅仲謙透過經理人否認傳聞，只承認曾與傅穎及北京女友拍拖。另一邊廂的女主角傅穎昨日足不出戶留家反思。
Crystal豎起三隻手指發誓證清白，不過手及頸的紅印卻一度惹來虐打疑雲。