樂易玲撐愛將怒斥離譜

對於林峯發聲明追究失實報道,無綫製作資源總監樂易玲力撐林峯:「林峯係公司一線演員,形象好緊要,如果係佢自己唔小心同埋係發生過件事,咁林峯要承受係冇辦法,但今次真係離譜得滯!我了解咗件事,啲相係林峯多年前擺入伙酒時影嘅,洗手間同客廳唔係喺佢屋企影,報道令芳芳個老公唔開心,連林峯媽咪都打畀我覺得好委屈冤枉,上次件事(指潘霜霜事件)已經令林峯好傷,自閉咗好耐,啱啱企番起身重新投入工作,又遭受另一次打擊。」她表示當日雜誌刊登報道後,有記者向她求證,當時她已否認部分照片影自林峯家中:「唔明《蘋果日報》依然照出,林峯透過律師發聲明時已徵求公司同意,之前咁多單報道好影響公司形象,嚟緊會開會討論有乜嘢可以做。」

樂易玲對林峯疼錫有加,當然不想他受到傷害!(資料圖片)