William唔Check女友電話
陳偉霆（William）與泳兒昨日出席活動，對於傅穎暗示遭暴力對待，矛頭直指羅仲謙，身為謙仔好友的William說：「希望件事唔係真。（佢係咪有躁狂症？）唔知，唔係大隻就會打人同有躁狂症。（被封賤男？）都唔知件事係咪真，不過男人打女人係唔應該。」他坦言不會Check女友蔡卓妍電話：「大家都畀好大空間大家，唔會Check對方電話。」
泳兒亦力撐謙仔：「情侶鬧交有身體接觸係好正常。（被封賤男？）都唔知係咪事實，呢個係外間揣測，對佢好唔公平同好負面。」而森美前晚錄影無綫節目《超級巨聲3》時說：「外人難評邊個啱，但女仔Check男人電話冇着數，Check到又點？一係煩一係散，我同老婆溝通好，畀空間對方。（傅穎過激？）醋意大發嘛！但一腳踏兩船唔正常。」
William和泳兒均力撐好友羅仲謙。
泳兒