傅穎懶理雪藏潛水

傅穎（Theresa）前日爆出被打，不僅未能贏盡同情分，反而觸怒經理人公司，令事業前程岌岌可危。羅仲謙則態度誠懇向經理人公司老闆王海峰交代獲「加分」，Theresa出招「玉石俱焚」，相信未能奏效。

傅穎與羅仲謙的離離合合搞到一鑊泡，原本離港轉戰北京發展的她，「臨別秋波」向記者大數謙仔不是，包括被打種種。由於經理人公司事前全不知情，故對她的「自把自為」大感不滿，即時抽起她所有工作。Theresa卻未有嚇怕，沒有致電老闆王海峰親自交代，她只淡然向公司高層表示對事件發展十分無奈，似未有悔意，反而謙仔則相當醒目，事發後即第一時間致電老闆解畫。

否認自殘抑鬱

Theresa於「案發」時報稱被打，謙仔則辯稱對方情緒波動，自己想制服她才發生碰撞。據知Theresa當時在謙仔手機內發現的短訊其實普通不過，不過由於有感前度有「前科」，故小事亦變小題大做，突然失控。

至於外傳楊梓瑤（Carol）可能是謙仔的小三，Theresa昨日透過經理人公司李小姐回應：「有咩都講晒，唔會再講。（有冇自殘同抑鬱？）冇，不過之前佢把聲有事，的而且確係病咗。」李小姐否認雪藏Theresa，但其工作有變：「原本公司都有啲電視劇幫佢傾緊，但依家一切都叫停晒，公司都會分別安排佢兩個返嚟，坐低了解究竟發生乜嘢事。」大批記者昨於其寓所外等候，但全程未見Theresa蒲頭。

另一邊廂，周秀娜男友陳偉成（Avis）曾與Theresa傳緋聞，他昨日出席活動時被追問有關Theresa情變時說：「我擔心娜姐（周秀娜）多啲，因為見佢唔到，佢呢排出埠拍戲啱啱拍到啲唔開心嘅戲份，唔想煩住佢。」他表示會問候Theresa。