師兄杜宇航陪伴長大

由陳嘉桓14歲入行開始，師兄杜宇航便教她武術，他坦言師妹近3、4年改變相當大，由不愛發問的小妹妹，到現在善於表達自己，而武術方面的進步亦有目共睹，現在還當上「小教練」幫手教小朋友！

杜宇航說：「我初初教佢功夫嘅時候，佢只會哦、哦、哦，好少發問，到依家入咗行，見嘅嘢多咗，識得對好多嘢有疑問，亦敢於表達自己。佢本身幾勤力，雖然冇運動底子，但呢幾年喺武術方面進步唔少，身為師兄，見到佢有好成績當然開心！如果問我佢依家有咩地方仲有進步空間，我會希望佢再勤力一啲，放多啲時間喺練功夫方面，咁對佢嘅日後發展好有幫助。」

與陳嘉桓同是猴年出生的杜宇航，足足大對方一個圈，他坦言雙方因而在溝通及了解上不會太深入，感覺像兩個世界的人，所以絕對沒有發展成為情侶的可能。

至於師妹對天水圍的感覺，杜宇航亦十分認同，覺得大家不應該標籤天水圍為悲情城市，他覺得天水圍人很熱情、很親切，城市配套亦發展得相當好，是一個很不錯的地方。