唐詩詠西洋求籤卜算子

唐詩詠最近經朋友介紹玩Magic Oracle，雖然她聲稱不是迷信之人，但這個西式求籤玩意卻讓她玩上癮，她說：「有個外國返嚟嘅朋友好鍾意玩呢個Game，佢無時無刻都玩，唔一定要大件事先求，我見佢連去邊度食飯都問一輪，好好笑！」耳濡目染下，詩詠現在每逢遇到左右為難的事都會卜一卜，她笑說：「我朋友好信，大小事情都會問，但我只係間唔中玩吓，但有次公司派我去日本出Trip，我誠心咁問去唔去得成？結果話Certainly，最後真係去得成，幾準吖！」

而陳敏之就沉迷玩Angry Birds，試過不眠不休玩通宵，她說：「我覺得啲公仔好得意！因為要不斷過關，所以玩到唔瞓覺。」她表示早已打爆機：「呢隻Game好多人都玩過，依家仲出咗好多新版本，難度愈嚟愈高，但係我唔想太過沉迷，依家要逼自己玩少啲。」

唐詩詠@推介App名：Magic Oracle

玩App攻略：閉上眼睛，在心中默唸想知道的事，然後搖一搖iPhone，便會得出答案。雖然沒有像黃大仙般多的籤文解讀，但亦不止Yes/No這麼沉悶，會出現Maybe、Sorry no、Most likely及Certainly等簡單的英語答案。

陳敏之@推介App名：Angry Birds

玩App攻略：利用Angry Birds射擊有圍牆保護的小豬，角度要拉得夠準，當中包括紅、黃、藍色等不同大小的雀仔，牠們射程和力度各異，需好好利用牠們特質。