吳業坤最愛漫畫公仔
身為「巨星二幫」成員的吳業坤早前生日，入行不久的他已獲近百Fans為他慶祝，他說：「好多Fans知我鍾意漫畫公仔One Piece，通常佢哋都係送呢隻公仔嘅禮物畀我。有排我又鍾意蠟筆小新，佢哋都手製咗好多禮物畀我！（好感動？）會呀！女朋友之外，唔會有人親手整咁多嘢畀我，一年內已經收到成世人要收嘅禮物。」問到有否收過一些很貴重的禮物？他坦承有一小撮的「媽咪級」Fans會送：「其實我覺得唔係咁好意思，要佢哋咁花費，所以都叫佢哋唔好再買。」問到有否女Fans向他示愛時，他笑說：「冇嘅！佢哋都係屬於只係欣賞我嘅嗰種愛。」
禮物堆滿一地，吳業坤只好瑟縮一角。
吳業坤獲Fans送贈肖像畫。