蔡少芬誓幫張晉傳宗接代

蔡少芬於5月誕下愛女楚兒後投入做幸福媽媽，據知家庭大過天的她無懼做高齡產婦，計劃三年抱兩為張家添男丁，未知能否參演熱爆劇《金枝慾孽》續集。

現年37歲的蔡少芬於5月誕下9.4磅肥B女張楚兒，並以愛女之名開設微博，不時在網上晒幸福，今年初更豪擲700萬元在元朗買下獨立屋，據知樂於做幸福媽媽的她有意三年抱兩，無懼做高齡產婦，希望為張家添男丁。

而日前下午約二時半，Ada與內地演員老公張晉現身佐敦教會附近的停車場付款，同行的張晉阿嫂手抱着楚兒，只得三個月大的楚兒眼仔睩睩十分精靈，遺傳了Ada的靚樣。當日素顏上陣的Ada表示正享受天倫樂：「趁未有工開梗係要家庭樂啦！我日日都陪住個女，雖然湊女都辛苦，但好開心，個女又乖又得意！」期間身旁有人提點她不要讚BB，免得她小器，Ada即表示信主，故不「信邪」。她又透露早前因天氣太熱而為楚兒剃頭，希望再生出來的頭髮會更漂亮順滑。問到女兒的磅數，Ada說：「依家16磅幾，仲餵緊人奶。（到時拍劇點算？）到時先諗啦！（之前畀人話你下圍豐滿？）其實我Keep得都OK，差唔多啦！」其後張晉驅車接載眾人離開，在尖沙咀讓阿嫂下車後，便返回元朗寓所。

隨時棄拍《金枝》續集

有指無綫即將開拍曾熱播一時的劇集《金枝慾孽》續集，監製戚其義昨日承認已預Ada一份，但一切要視乎對方檔期，問到是否邀請她演出奸角，他表示還未決定。至於Ada亦指正在洽談中，但還未成事，更隨時可能被其生育計劃影響！她說：「呢部係大劇，如果拍到都唔錯，真係拍到呢部劇就梗係好啦！但係最快都要出年先成事。」