「馬交吳佩慈」Elaine寸Jeana得把口
寫真戰中派壯陽藥成功彈出、被本報披露與美國色士風樂手Kenny G夜蒲而為人認識的「馬交吳佩慈」Elaine Wong，前晚以性感打扮到酒吧宣傳寫真集，露出誘人「事業線」，身為師姐的胡心諾（Rainbow）撐場。Elaine表示寫真集於澳門取景，並獲賭場贊助，問到為何獲厚待？她說：「因為父母喺賭場做派牌工作（荷官）。（銷量幾多？）兩萬本！」還表示有留意Angelababy，提到有否留意寸嘴o靚模Jeana？她說：「佢靠把口出位！我就想靠自己同人際網絡多啲。（傳o靚模整容？）本身唔贊成，但依家好似係大趨勢。」
同場的Rainbow則強調不會整容：「父母生成係咁樣，其他人整就係佢哋嘅事，但做得出唔怕認。（有o靚模報細數？）我係92年出世，呢個係真相，冇必要報細，成熟都有佢嘅味道。」
Elaine狂騷事業線，還暗寸「公敵」Jeana靠把口出位。
Elaine（中）到酒吧宣傳寫真，師姐Rainbow（右）等撐場。