林欣彤焗難食曲奇冧仔
小巨肺林欣彤（Mag）昨日為節目《新派煮意》錄影，她表示懂得烹飪，因父母要出外工作，故她要照顧弟弟起居飲食，最拿手炮製炒飯、奄列及雞翼：「我依家有時都會煮早餐畀自己食，又試過同幾個女同學一人煮一味餸，我就煮炒蛋。（以前為男友下廚？）試過焗曲奇餅囉！但我覺得好難食！（咁佢覺得呢？）佢話好囉！」
提到有指比以往眼大及鼻高而惹整容傳聞，Mag坦言起初看到報道時感不開心，但其後覺得很好笑：「化咗妝同唔化妝一定有唔同，但大家都話咁都係好事，起碼人哋覺得我靚咗。」還認為整容是嫌棄自己，對現時容貌亦很滿意。
