思琦告別慳妹名店速買

楊思琦狠撇李泳豪後,火速宣布與新歡吳帥相戀,負面報道隨之而來,吳帥更一直玩「潛水」,只派死黨俞越代陪女友。思琦則一改慳家作風,日前與母親及俞越到中環名店掃貨,即揀即買,絕無手軟。

向來走乖女路線的楊思琦,早前突然宣布與李泳豪結束9年情,火速戀上前香港跳水隊員吳帥(Andy),與李家上下更連日互數,形象直插谷底。雖然新歡負面新聞多多,但思琦仍出言力撐,事件至今擾攘個多月,吳帥一直沒有現身,只派前隊友兼死黨俞越代陪女友。

出名是圈中慳妹的思琦,性情近來180度轉變,換上新短髮外,更經常出入名店,日前下午四時半,戴帽、穿黑衣的她相約母親及俞越到中環名店Shopping。思琦專注挑選貴價高踭鞋,即使數千至逾萬元的款式亦冇手軟,火速睇中一對鞋,即場試穿埋鏡照,俞越在旁給予意見,二人有說有笑,楊母則全程坐在椅上等候。購物欲明顯比以往強的思琦,試完鞋即往挑選新衫及手袋,不一會已買得心頭好。

跟得媽咪陪左右

事後記者致電俞越,問到當日為何不見吳帥?他說:「佢冇落嚟,喺內地。(佢叫你照顧思琦?)唔係,我哋本身都好熟。(思琦買嘢係咪你畀錢?)我哋各有各買,佢自己畀錢。」

變身「闊佬」的思琦,事隔兩日於北角工作後,駕車與母親往尖沙咀髮型屋,為撇甩尾隨的採訪車,高速於馬路上左穿右插,最後駛入尖沙咀的停車場。問到是否約了男友?她笑而不答,並說:「唔該晒!」說罷往髮型屋,楊母則在附近商場閒逛。

追蹤組

楊思琦往尖沙咀Set頭前,駕車在馬路上左穿右插。

楊思琦撇甩豪仔後一反常態,使錢愈來愈疏爽。

戴帽的楊思琦與母親及俞越到名店掃貨,大有斬獲。

俞越於名店不時講電話,未知是否吳帥來電?