港股急瀉，不少圈中人慘變蟹民，身家逾億的容祖兒及影帝任達華，卻因主攻房地產買樓收租，逃過一劫。祖兒說：「啲錢交晒畀媽咪管理，佢主要買樓投資，話買『磚頭』穩陣。有買好少股票作長線投資，留番養老，股市波動對我冇乜影響。」
而世界各地都有物業的華哥，昨日趕戲故沒有留意股市情況，得悉冧市後，他說：「冷卻吓係好事，又唔係第一次做大戶嘅點心，我覺得後市影響會仲大。勸股民算啦，及早離場！」他續透露沒有買股票：「唔鍾意玩呢啲，更加唔鍾意坐過山車，大家都唔好咁搏喇！」
祖兒交由母親投資，主攻房地產。（資料圖片）
華哥自言不喜歡坐過山車，故沒有投資股票買賣。（資料圖片）
