Eason搞笑:冇請我慳番

奶茶踏入人生另一階段,好友送上祝福!奶茶的師傅張艾嘉已率先送祝福,她坦言早已跟徒弟溝通,戥對方開心,而其好姊妹李心潔雖然身在外地,仍隔空表示關心:「我喺佢嘅官網睇到喜訊,梗係開心啦!(驚訝?)哈哈!一啲都冇!」至於最近與奶茶合作新片的陳奕迅(Eason),則笑言要等對方請食飯:「恭喜晒!祝佢永遠幸福開心,佢真係有心,冇請我去飲喎!可能想我慳番啲人情啦!哈哈!遲啲一齊做宣傳,要叫佢請全組人食飯!」至於另一好友五月天的阿信則說:「有一天女孩總會長大,奶茶!祝你幸福!」而好友徐熙娣(小S)、范瑋琪、舒淇及桂綸鎂等紛紛在微博送上祝福。

Eason笑言要奶茶請食飯,慶祝她新婚。 (資料圖片)

阿信(右)表示奶茶已大個女,踏入新階段。 (資料圖片)