阿Sa陳偉霆 落兩層窗簾防偷拍
昨日Twins出席新碟《3650》簽唱會，吸引400名歌迷撐場。兩人獲英皇高層霍汶希頒雙白金唱片，賀新碟銷量逾6萬張，並喜獲公司送2張商務客位機票獎勵！蔡卓妍（阿Sa）之前在內地簽唱會每場要簽2千個名致手指麻痹和肩膊軟，問到有否叫男友陳偉霆（William）幫她按摩？她笑說：「得啦！我有分數！（叫公司送多張機票畀男友？）叫佢自己買。」前日七夕，兩人在微博傳情，阿Sa尷尬說：「係咩？唔係呀！」鍾欣桐則說：「唔好因為人哋拍拖、結婚，就覺得我都有需要。」此外，William昨日出席捽碟活動，談到早前在蒙古拍摔跤戲致周身傷，幸有女友短訊慰問。至於日前他返港即被拍得阿Sa到家中相聚，他笑言在樓下可任影，但家裏用了兩層窗簾防偷拍，記者取笑他可做火辣嘢？他說：「我哋好守規矩o架！」
李思捷（左起）、祖藍和阮兆祥表示在新片中各有咀戲。
Twins舉行新碟簽唱會，並祝賀新碟報捷。