Jeana想整鼻「回春」變Baby

昨日o靚模何佩瑜（Jeana）與吳燕安（Annie G.）擔任啤酒競飲大賽評判。對於多次被質疑身材與樣貌曾僭建，Jeana竟坦言暑期工作量多，收入上升，故考慮花費整容：「如果大家覺得我老，咁我要睇醫生回春。（整容？）會o架！考慮整圓啲個鼻，希望好似掟飛鏢咁一擊即中，不容有失。我想似Angelababy，唔想似范冰冰。（慳啲啦Baby？）我要做Angelinababy。（有傳已31歲？）我22歲、屬蛇、白羊座、1989年出生。」記者一再着她拿身份證確認，她說：「人哋做過我唔做。（騷出世紙？）唔想抄人。其實最重要係個樣，如果40歲都係20咁都係好事。」

Annie G.則嘲諷Jeana：「諗住介紹師妹畀你哋識，但原來佢係姐姐，依家要介紹畀Auntie識。」但她亦暗寸許穎：「叫佢（許穎）拎回鄉證出嚟就話媽咪唔畀？但又會畀佢影寫真？唔明點解，我都係撐個正常嘅多啲。」