孟瑤出嫁喊住攬王晶

王晶一手提拔的女星孟瑤，昨日與內地富二代老公周磊在北京補擺喜酒，身穿復古婚紗的她幸福滿瀉，卻攬着王晶哭成淚人！

孟瑤與老公周磊昨日於北京國貿大酒店筵開60席，豪擲百萬元宴請親友及傳媒出席婚宴，孟瑤說：「我同老公08年結婚，當日冇求婚、冇擺酒，我覺得應對父母有個交代，所以補擺酒！（專心湊仔？）我為電影付出咗好多，唔想放棄！至於係咪性感就要問老公！」周磊則說：「拍戲的事以後再說，她說給我100分，我給她200分！」二人更應傳媒要求咀嘴，周磊突然捉嬌妻入懷兼伸脷舌吻，嚇了孟瑤一跳！孟瑤又獻唱情歌，老公即趁機上台上演求婚一幕。

讚新娘成熟不少

一對新人昨晚坐馬車出場，當王晶致辭時，孟瑤邊喊邊送抱：「晶哥好錫我，我問准咗屋企人可唔可以攬呢個男人，都問咗王子涵介唔介意我叫王晶做爸爸！」王晶亦笑言似嫁女：「見到孟瑤幸福，我都好開心！我哋仲有兩年幾約，有啱佢嘅角色會再合作，佢做咗媽媽成熟體貼咗。（催女兒結婚？）冇得催，佢日日同唔同人拍拖！」他又表示張栢芝將宣傳新片《無價之寶》：「口頭上應承咗中秋香港站宣傳。（佢心情點？）好耐冇聯絡，搵佢經理人多！」至於無綫小花陳爽則說：「我都有拖拍，不過啱啱轉咗新工，未諗結婚住！」