港姐今晚終極一戰 朱晨麗唧淚惡鬥許亦妮

十四位候選港姐今晚進行大廝殺，是非不斷的(3)許亦妮被指內定冠軍，大熱(5)朱晨麗則大灑淚花玩感動，奪冠機會不容忽視！

今晚《2011香港小姐競選決賽》在電視城舉行，十四位候選佳麗爭奪冠、亞、季、「最上鏡小姐」及「國際親善小姐」五項榮銜及共440萬港元的獎金獎品。昨日她們穿泳衣綵排，論質素及狀態，(5)朱晨麗、(3)許亦妮、(11)劉思希、(13)蔡慧欣及(10)李天縱被睇高一線！

是非不斷的許亦妮昨日否認搶人男友及借錢，對於被指做「小三」，她說：「我的確有過J字頭嘅男友，但冇做第三者囉！冇需要，有咁多好（男）人！之前亦冇男友一腳踏兩船。（有情敵？）咁又唔知喇！」至於被指欠債十萬元，她表示不認識該批人士：「嗰啲訊息自己整都得，有真憑實據就拎出嚟！」

劉思希狀態大勇

然而，她昨日再被指曾表示認識財經界猛人，對方已跟評判要求「識做啲」，似有造馬之嫌！對此，無綫外事部副總監曾醒明說：「即使個別評判畀好高分都唔會有一面倒情況，評判喺社會上都有地位，唔擔心造馬！」

早前已奪得兩獎的朱晨麗昨日以淚功搶鏡，受訪期間她突然眼濕濕，表示不捨得其他佳麗：「相處咗咁耐！有感情。（驚佢哋輸？）只係想做好個Show！」

留有清爽短髮的(11)劉思希狀態大勇，隨時半冷跑出，更獲上屆冠軍陳庭欣睇好，而網上投票五強依然是(5)朱晨麗、(3)許亦妮、(13)蔡慧欣、(7)胡中慧及(6)梁麗翹。