另一已婚女星楊千嬅由內地趕回港，昨日與狄易達出席冰室開幕，她自言不擅搞生意，寧願投資地產。經常四圍飛的她席上一臉倦容，自爆最近有中醫調理：「唔係暈低都似！」
提到有指老公丁子高婚後努力造人不果，最後要驗精，千嬅愕然地說：「佢冇話我知，養鬼仔呀？又知我冇努力過？唔係努力過唔得，係未發力！產前檢查好正常，我都有做過，唔覺得尷尬，遲啲會休息，健康好就乜都有機會啦！」
楊千嬅笑言未發力造人，亦不急於生仔。
