梁榮忠將參演舞台劇《交響名人夢》，內容涉及「爾虞我詐」的題材，令他想起在娛圈的遭遇：「都係你呃我，我呃你，所以好有共鳴！」談到劇中主角會被出賣，忠仔坦言亦曾有相同遭遇：「試過但唔講得，惟有硬食！咁多年加加埋埋都『滯晒』。」說罷不忘搞爛Gag說：「所以呢個劇好似將我咁多年嘅『宿便』排晒出嚟咁，好舒暢。」
今次能與「劇帝」陳淑儀合作，令忠仔萬分期待，而之後他將為三套不同舞台劇執導，更笑言十分好玩：「不過做演員舒服啲，嚟緊嘅工作都係幕後同行政居多！」
梁榮忠（左）有幸與「劇帝」陳淑儀同台演出，獲益良多。
