古天樂吳彥祖片皮鬥肥佬

古天樂與吳彥祖合演新片，一個受皮肉之苦兼激瘦，一個則增磅增到老婆都感意外。

古天樂、吳彥祖（Daniel）及劉青雲再度合作，演出爾冬陞監製電影《竊聽風雲2》。古仔上集的演技備受讚賞，今次瞓身演出受傷難免，他說：「場戲係我同Daniel 喺條好窄嘅後巷打架，Daniel唔小心將我隻手擦落石屎牆度，皮都擦甩，佢都好唔好意思。」另一場他要親手拉「老婆」葉璇入獄的內心戲，亦甚有難度。

完成《竊2》片後，古仔沒有偷閒休息，已為另一電影《忠烈楊家將》接受騎術訓練，戲接戲令他瘦了十幾磅，卻因此憶起兒時一件小意外：「兩、三歲時爸爸帶我去騎馬，點知我被拋咗落地，照X光話個腦有瘀血，但冇做手術，係間中踎低起身見暈，十幾歲之後，就再冇呢個情況。」

日食五餐重20磅

至於Daniel為配合角色增肥，一日食五餐，結果重逾20磅，太太Lisa S.亦被嚇親：「佢返屋企見到我食雪糕又食薯片，問我係咪傻咗？其實我仲要每日做大約三個鐘嘅Gym，大隻到連青雲都話我Man咗，冇晒稚氣。」他笑言未試過達175磅，故家中只有兩條褲仍是合身。