李亞男等王祖藍求婚

李亞男和王祖藍譜出「長短腳」之戀，令知名度大增！面對男友愈來愈紅，亞男自認是個體貼情人，並揚言等男友求婚才考慮是否答應！

雖然李亞男已公開與王祖藍拍拖，仍無阻事業發展，她直言現時出街有更多人欣賞，她笑說：「真係多咗人識我！依家喺街度成日畀人讚，話係祖藍嘅索爆女朋友。」祖藍近年工作愈來愈忙，歌影視三棲發展，但亞男表示不會投訴，她說：「佢冇時間陪我都冇所謂，佢知我好體貼，我哋仲識得搵時間拍拖，有時喺電視城撞到咪一齊去Canteen食餐飯，一樣咁開心。」

示範咀嘴勁尷尬

對於早前祖藍指亞男不願嫁，亞男否認對方有求婚，她笑說：「佢都冇求過，如果真係求先再考慮啦！（係咪要努力儲錢結婚？）唔使！總之大家要繼續努力啦！當然大家拍得拖，都希望可以行到呢一步！」她將為《王祖藍咪咁扮嘢演嘢會》擔任表演嘉賓，並會與男友即場示範巴黎鐵塔反轉再反轉這場經典接吻場面，她坦言十分尷尬：「對我嚟講有啲難度，我會怕醜，覺得呢啲嘢要係結婚後先做，唔係咁公開畀觀眾睇，但後來諗通咗，我哋都係為咗傳福音，分享信仰啫！唔應該介意太多。」

另外，亞男最近忙與陳茵媺及陳展鵬等合作拍攝新劇《ATF反恐》，劇中飾演情報分析員，由於有很多專業對白，令她與同是「鬼聲鬼氣」的陳茵媺鬧出不少笑話，她笑說：「茵媺係我上司，我哋要背好多對白，幾辛苦，成日要問同劇演員陳展鵬、黎諾懿我哋發音準唔準，唔係又擔心唔夠說服力。」