梁祖堯梁嘉琪師兄妹演繹感動
同為演藝校友的梁祖堯（祖祖）、湯駿業（阿Dee）、邵美君（君仔）及梁嘉琪，於下月合演改編劇目《在那遙遠的星球、一粒沙》。四人拍照時不斷搗亂，祖祖及阿Dee更作狀毆打君仔及嘉琪。身兼導演的祖祖，對首次合作的師妹嘉琪讚不絕口：「八年前，我返演藝睇嘉琪嘅畢業作，當時佢演咗段大約十五分鐘嘅獨白戲，包括喜樂、乞求、憤怒、唔甘心等各種唔同情緒，佢每個情緒都做得好應，係用咗十成嘅投入。嗰刻我好感動，完場時即刻企起身拍手，我其實好少咁浮誇。」
至於嘉琪坦言首次聽到師兄的讚賞時，激動得忍不住落淚：「我當年畢業作個場好細，得百零人，所以見到師兄咁樣企起身，我真係嚇咗一跳！好期望今次重返舞台，可以重拾當年全情投入做舞台劇嘅感覺！」
梁嘉琪獲梁祖堯讚賞演技，十分感動。
感情要好的湯駿業（左起）、邵美君、梁嘉琪及梁祖堯合作演出舞台劇。