陳楚喬孤身走我路

鄭融師妹陳楚喬為了實現夢想，毅然告別舊公司寰宇，自組精英班底炮製純音樂大碟。她直言實現夢想的過程艱巨，尤其向唱片公司敲門自薦，令她體會到在娛樂圈自力更生的難處。

鋼琴造詣達演奏級水準的陳楚喬（Carolyn），終於能實踐理想，於本月推出純音樂發燒大碟。Carolyn為此找來不少志同道合的音樂人合作，更曾遠赴北京錄音，最後獲星娛樂垂青，推出發燒大碟，碟內收錄了十四首純音樂演繹的電影經典名曲，她說：「其實今年二月我先同寰宇滿約，之後一直專心做音樂。除咗揀歌，我仲負責大部分嘅編曲。」

感激舊公司

不過，Carolyn尋找新唱片公司的過程十分艱難，令她明白到在娛樂圈獨自奮鬥的辛酸，她說：「我用咗三個月嘅心血去製作呢隻碟，但唔係所有唱片公司都欣賞。好記得第一次厚住臉皮向某公司敲門自薦，明明原本反應好好，大家仲約出嚟見面，點知之後等咗好多個星期都冇消息。呢件事令我好失落，原來做呢行，乜都靠自己，冇人幫係好難。」

此外，問到Carolyn為何與寰宇結束賓主關係？她笑說：「因為大家嘅理念唔相同，但係我好多謝舊老闆林小明，佢好開通咁接受咗我嘅想法。如果冇佢咁大方放我走，我絕對唔會有機會實踐到我嘅夢想！」