朱凱婷股票做囡囡嫁妝
懷孕四個多月的朱凱婷（Heidi），直言得知腹中的是BB女後，心情輕鬆不少：「之前同老公行街唔知買乜，依家知道係女，可以買定好多嘢，準備幫佢扮靚靚！」她又指現在買衫的意欲很低，將全副精神放在囡囡身上。
不少星級媽咪都獲贊助商贊助，Heidi亦不例外，她笑說可以省回一筆：「最特別係臍帶血庫，但就算無贊助我都會做，因為係為BB將來打算。」Heidi又指已購入股票，當利是送給女兒：「送畀囡囡將來讀書或做嫁妝。」問到是否已幫囡囡改名？她說：「我仲諗緊英文名，中文名就唔使急，等佢出咗世先改啦！」
