趙彤恨做未婚媽媽

仍是單身貴族的台模趙彤，將會做好姊妹孟瑤的伴娘，恨嫁的趙彤笑言，要在瑤瑤的婚禮一沾喜氣，希望屆時能結識「鑽石王老五」，締造良緣。

曾與霍啟剛及廖碧兒緋聞男友林忠豪傳緋聞的趙彤，即將做孟瑤的伴娘，她表示這是第二次做伴娘：「希望下次可以做『姊妹』。（性感過新娘？）唔會，最靚最幸福始終係新娘！今次佢請好多親朋好友去飲，希望到時可以沾吓瑤瑤嘅喜氣，識番個鑽石王老五！」

問到將來結婚會否以夢幻婚禮為主題？她笑說：「唔想呀！如果將來結婚，希望喺小島行禮，儀式同過程快靚正搞掂，之後大家可以瘋狂開P！」趙彤又不諱言恨嫁：「我想快啲嫁呀！快啲生BB！（做未婚媽媽？）係啦！好想生小朋友。（有冇對象？）暫時未有，呢啲可遇不可求！」

有興趣影大肚寫真

目前仍拍攝亞視劇集《親密損友》的趙彤說：「拍咗四個幾月，今次係拍得最長嘅一次，有啲工作都因為拍呢套劇而延遲或者推咗。」早前o靚模爆發寫真戰，趙彤說：「我都有留意，後生應該搏命啲、進取啲！（言論過火？）佢哋互相宣傳啫！總之講嘢唔好傷害到人。（影寫真？）暫時冇諗，可能將來大肚會影都未定！」