天華片場研究點Chok

謝天華的Laughing哥作品系列，由公仔箱跳到大銀幕，話題十足。首次與黃宗澤合作，天華直指雙方分外有默契，更笑言會一起研究Chok甫。

謝天華的Laughing哥一角深入民心，於新劇《潛行狙擊》擔正，無綫亦乘勢開拍系列電影，不過，天華每次被問到票房或收視時，都表示沒有太大壓力，今次亦一樣：「我好簡單，只係會諗點樣做好自己啲戲、自己本分，成件事完咗，自己滿意已經好開心、好過癮。」說到收視、票房好與壞，責任往往落在主角身上，他指這是以往的看法，深信現時的觀眾很聰明，懂得分辨誰好誰壞。

唔計較戲份

於《潛》劇中，只有天華的角色連貫上一輯，其餘拍檔及角色都是全新配搭，天華表示拍攝上不但沒有影響，還增添不少新鮮感。首次與黃宗澤（Bosco）合作，亦有不少對手戲，談到二人的戲份，天華說：「戲份唔可以攞把尺去度，只可以話，我同Bosco第一次合作已經出奇地有默契，未埋位嗰陣會研究點拍，點可以拍得Chok啲、好睇啲，大家一講出嚟，亦知對方要乜，呢啲對手好難遇到。」