林熹瞳不屑做波波池

近年氾濫成災的o靚模一再被踩，為免落得同一下場，「怪談女」林熹瞳不惜投資七位數字開設娛樂公司，實行自捧做明星，更嘲o靚模是「波波池」！

林熹瞳（Rachel）籌備一年、投資七位數字的環球傳奇娛樂及製作公司正式成立，昨日她以高貴性感形象為公司拍攝宣傳照，並邀請「中國小姐」趙哲妤擔任形象指導。Rachel透露公司以拍攝短片及戲劇為主，已出產十多部作品，主要賣埠到馬來西亞及澳門，問到是否打算轉型？她似有所指地說：「依家咁多『波波池』咁性感，我本身喺演藝學院畢業，都想做番演藝工作。」記者笑問她是否想捧自己做明星？她說：「每個人嘅路線都唔同，我只係想喺演藝行業發展，當年我入演藝，係喺幾千人裏面選出嚟，都做過幾次女主角！我依家係公司第一個藝人。」

趙哲妤獻第一次

至於擔任是次形象指導的趙哲妤，笑言將第一次獻給Rachel，問到Rachel可會考慮與趙哲妤簽約？她說：「都有可能呀！我哋會有無間斷嘅合作。」而趙哲妤亦十分識做，大讚Rachel演技好：「佢啲戲真係好犀利，我試過叫佢表演，佢可以三秒就喊得出！」