亞姐顏子菲昨日與林紫君、筱靖及劉子蔥宣傳旅遊節目，分成兩組玩水球，但三女在泳衣外加衫，毫無睇頭！筱靖自爆艷遇：「我同林紫君、姚佳雯去馬爾代夫，有男士話6月娶我，但冇講係邊年！」林紫君則說：「當地侍應膚色好深，夜晚着件白衫，我以為做乜得件衫喺度飄！」至於顏子菲則與劉子蔥逗留毛里裘斯15日：「我玩潛水，以為潛得好深，原來頭頂就係水面！」
筱靖玩水球時姐手姐腳，非常論盡！
林紫君曬到變瞇瞇眼。
