陳敏之變靚全靠化妝做Facial
近日有報道大爆無綫花旦的整容名單，陳敏之亦榜上有名，昨日她與黃浩然及「浸大E神」楊梓瑤（Carol）出席Lenovo電腦活動時作出否認，表示樣貌轉變全靠化妝及到美容院做機，每月花費逾萬元，她笑說：「初入行時自己化妝，雙眼皮化到變單眼皮，又唔識打陰影，搞到成個大頭妹咁！睇番以前啲相都以為自己整咗容呀﹗我一定冇整容，因為我怕痛，又驚有後遺症，如果年紀大啲肌肉鬆弛，可能會諗吓！」
至於Carol同樣無意整容，她認為身體髮膚受諸父母，整容會對不起家人，又指整容費用足夠她交兩年大學學費。提到有o靚模被揭整容前後樣貌大不同，她笑說：「真係變得好犀利，女大十八變。」
陳敏之及黃浩然一同出席活動，敏之否認曾整容。
Carol嫌整容費用昂貴，無意一試。