Hailey C.只認得許穎粒癦
近日屢有o靚模被爆「大執」，Annie G.、Hailey C.及Hazel等昨日在動漫節宣傳電影《戀夏戀夏戀戀下》時，寸爆許穎（Phoebe）要靠粒癦才能認出，繼而辣埋同公司的寸嘴何佩瑜（Jeana），Hailey C.說：「化妝係會靚咗，但成個輪廓都唔同就有啲怪囉！佢個樣同上年係唔同咗，上年Baby Fat，佢Keep得好辛苦。（用咩方法？）咁又唔知喎！」三人又向踢爆Jeana整容的「爆E超蓮」Iris開火，Hailey C.說：「自己有冇整過都好，爆人哋整容好缺德！話美容院講出嚟，又唔知係咪真係有講，應該交畀當事人去講，人哋想認就認，唔想認咪唔認囉！」三人堅稱自己「零整容」，但亦擔心肥嘟嘟的舊照曝光。
至於日本人氣組合ViViD則擔任閉幕嘉賓，大會還公布Cosplay比賽的賽果，扮演「天堂II LINEAGE II」中「巴列斯」的黃兆倫，勇奪總冠軍。
Annie G.（左起）、Hailey C.與Hazel槍頭對外，寸爆許穎及Iris。