(3)許亦妮獻身任摸

應屆香港小姐將於本周日揭盅，負面新聞多多的(3)許亦妮昨日繼續被爆料，指她曾打Botox，為表清白，她昨日會見評判時主動「獻身」，叫記者摸面驗真假。

周慧敏、陳豪與馬清揚等5位港姐評判昨日與佳麗見面，眾佳麗穿上自選服飾求高分，全部零性感，而司儀曾志偉、陳百祥與森美也有到場打氣，其中志偉表示睇好(3)許亦妮、(5)朱晨麗及(7)胡中慧。

曾擔任「最上鏡小姐」評判的周慧敏表示，刻意不看佳麗的負面新聞，以免影響印象，她還特別瀏覽官網看佳麗表現，故對部分佳麗留下印象，她說：「希望今次見面了解佢哋嘅人生態度、價值觀等，都會參考埋工作人員嘅評核。（接唔接受佳麗整過容？）依家真係好難追探到有冇整容，但會留意佢哋嘅自然美態。」

此外，昨日有讀者爆料指許亦妮曾打Botox，又指(9)麥美恩在節目中凸腩。許亦妮昨日否認其事，並叫記者摸一摸：「你哋摸吓！我都冇打過，連Facial都冇做！」問到評判不看負面新聞會否令她鬆口氣，她說：「冇咁諗，同評判見面溝通時，佢哋會更加認識我嘅人。」

陳豪被嘲最識揀

此外，有港姐冠軍陳茵媺做緋聞女友的陳豪，被取笑最識揀，他大笑說：「唔識揀呀！（有咩準則？）睇個人性格同談吐，雖然近年趨勢好多外國返嚟，但基本要識講廣東話。（身材呢？）做港姐唔使太好，但都要OK。（陳茵媺啱晒你所有條件啦！）哈哈哈……OK o架！OK o架！」