Rick Chin交波：問番霆鋒！
曾揚言負責為Lucas籌辦生日Party的化妝師Rick Chin昨日接受電話訪問，對於四哥和拉姑前晚未獲邀請，他說：「本來係我負責幫Lucas搞生日Party嘅，但我呢排工作又好忙，都冇時間搞，所以冇搞到。據我所知，Lucas個生日Party係由霆鋒搞，所以點解冇請四哥同拉姑就要問番霆鋒喇！不過呢個消息我都係聽番嚟，係咪真係霆鋒搞，或者搞唔搞就唔知。（栢芝冇同你提過？）冇！（之前嗰個唔係Party？）唔係！係栢芝媽咪、家姐買咗個蛋糕嚟同Lucas切生日蛋糕慶祝，我咁啱做完嘢咪上去一齊慶祝。（有冇見到霆鋒？）冇！我留到夜晚八、九點左右先走，都冇見到佢。」他又透露Lucas當晚很開心，收了不少生日禮物。