樂瞳心郁豐胸玩唧肉
昨日樂瞳化身清純學生妹殺入動漫節，與一身谷胸Cosplay打扮的高海寧出席無綫活動，她說：「高海寧着得好勁，如果件衫嘅領高番啲，我都想試吓！」問到會否騷胸，她笑說：「我係『有限公司』，大家都知我冇乜身材。（唧出嚟嘅啫！）咁都要有多啲肉先可以唧o架嘛！希望有豐胸公司搵我啦！（豐胸後先性感？）係呀！」
至於高海寧則否認飲食節目拍檔黃永幟（幟哥）對她「嗒糖」，並說：「我係鍾意成熟類型，但佢有家室，唔喺我考慮範圍入面。」見她的Cosplay戰衣已穿了數次，記者笑問她有否清洗，她淡定地說：「公司有幫我清理。」
自認身材有限的樂瞳，以Cute甫士搭夠。
眼見高海寧（左）身材逼爆，樂瞳（右）羨慕到眼凸凸。