梁佑嘉變鯊魚食人減壓

樂壇新人梁佑嘉（Abella）雖入行不久，但工作日程已排得密麻麻，而她唯一的娛樂就是在工作空檔中潮玩iPad 2，她說：「iPad 2係今年必玩潮物，可以Download好多Game玩，大部分玩法簡單、唔使用腦，最啱你好忙、好忙，但係又想Relax吓嗰時玩！」Abella推介她最愛之作《Hungry Shark》：「呢隻Game好血腥、暴力！喺Game入面，你係做一條鯊魚，要不斷食唔同嘅魚、海鷗、或者人！（咁暴力？）係呀！咁先可以發洩壓力！」

Abella表示自第一代便開始玩iPad：「除咗玩之外，工作有時好急要睇文件，iPad都好幫到手！」而她買iPad 2因它更輕、更薄、更細：「一來設計靚、有型，二來概念新、多Apps、方便、易用，所以我手機都要用iPhone 4，我仲特別買部白色，因為比較女仔。」她自言也用過其他手機，但始終覺得iPhone較好用。

提到有內地年輕人花2萬元賣腎買iPad 2，她說：「咁就賣咗身體咁重要嘅器官，真係好唔值得！咁下次出新機賣咩呀！年輕人千祈唔好咁做！」