基仔嚇窒狂縮借汗遁

古巨基（基仔）前晚與32C警鐘胸模特兒Juliana S.拍MV，由於女方身穿三點式，嚇得基仔目不斜視，更以「手濕」拒攬纖腰！

基仔前晚為10月舉行的演唱會宣傳歌《爆了》拍攝MV，邀得名模Jessica C.（JC）師妹、現年20歲的巴西籍女模Juliana S.任女主角，二人碰面即合照，怕醜仔基仔即攬住水槍！記者要求他攬住Juliana的纖腰，他即滿面通紅說：「唔好啦！我有手汗呀！（叫佢咀你喇？）唔好啦！」識聽廣東話的Juliana即搭着基仔膊頭，相反戴上黑超的基仔則全程面向鏡頭，未知是否怕在場的緋聞女助手Lorraine呷醋！

勁讚樣靚似公仔

雖然表現尷尬，但事後基仔承認親自挑選Juliana：「佢個樣好甜，好似公仔咁！（合照時，你個人硬晒咁喎？）你估我18、19歲咩！（MV會唔會有咀戲？）拍落睇吓需唔需要啦！」近年頻頻在內地搵銀的他，被問到可有「乳模」主動埋身？他說：「遇唔到！（因為有人一直(目及)實你？）唔識答，啞咗！」場面搞笑！