劉欣宜鬧後輩認清地盤
王晶女兒王子涵（Ada）與「E Cup Baby」劉欣宜昨日亮相動漫節，孖妹以爛Tee Look烏身派糖，又幫手打鼓兼舞龍舞獅，令動漫迷大為嗒糖。期間，劉欣宜訓斥o靚模後輩：「我係動漫節出身，返番嚟感覺好親切，不過好多o靚模冇認清呢度係邊個地盤，好心咪囂張啦！（講白啲！）我覺得有人博出位囉！（你識Jeana？）我同佢參加過模特兒比賽，當年我攞第二，佢攞第三，咁邊個係Loser都好明顯啦！」而Ada由於太投入派糖，令「砵仔糕」外露，她說：「我21歲，好青春，但唔想只做模特兒，都想拍戲。（王晶反對性感？）之前拍戲着泳衣都冇問題，爸爸冇反對我入行，我想唔靠父蔭，但背負『名人後代』個名都有壓力，希望可以扭轉o靚模負面形象。」
王子涵與劉欣宜以爛Tee Look為舞龍助興。
劉欣宜派糖時大受Fans歡迎。
未待動漫迷嗒糖，王子涵自己先行「嗒糖」。