婷婷爆拉姑當栢芝屋企人

昨日謝婷婷出席Starbucks活動，問到會否出席姪兒Lucas生日會？她坦言暫時未收到通知，可能稍後才知道，想買蛋糕給Lucas。問到母親狄波拉會否因見不到乖孫而嬲栢芝？她說：「唔會！媽咪好大方，唔會對屋企人有Hard Feeling，唔會計較，唔會記仇，同埋屋企人根本冇得計。媽咪覺得如果有個好嘅方向會向前望，唔會再記住以前，會明白大家都有難做嘅位置。（栢芝嗰邊有冇聯絡你？）未有，哥哥應該有，我知佢有見過啲仔。」對於霆鋒抱恙，她說：「唔清楚，同Andy（男友安志杰）傾電話時，佢話哥哥有幾聲咳同鼻塞，好好笑，哥哥嘅嘢竟然要Andy話我知，我都會呷醋佢成日可以同哥哥一齊。」另外，吳建豪在微博上載了霆鋒報道的相片並大讚霆鋒靚仔，婷婷即回應致謝。

至於同場的台灣名模吳亞馨以Tube Dress谷胸上陣，炮製咖啡時烏身倒奶，她表示早前與吳佩慈到日本旅行遭鹹豬手：「去夜店時被外籍男人捏屁股，很生氣，很想摑他一個耳光，可是他是我們朋友的朋友，惟有算了。」她自爆曾被男生掀裙子，搭車時曾被摸胸及行夜市時被人偷拍裙底。