Lacee Lacey 跳足6粒鐘搵銀

女子組合Lacee Lacey日前為休閒服品牌拍攝廣告照，獨欠成員Wesley，原來她於拍攝前一晚因身體不適入院，其經理人說：「佢肌肉夾橫膈膜位發炎腫脹，呼吸困難，好彩冇大礙，但至少要休息兩個星期，暫時唔可以做太大動作。」幸得客戶體諒，不介意四缺一進行拍攝。成員Halen興奮地透露有五位數收入：「第一次以組合身份拍廣告，之前自己拍過，但一班人開心好多，影足六個鐘都唔覺攰！」而身材較輸蝕的Jun起初擔心自己穿性感短裙會不及其他成員有睇頭，豈料感覺奇好，更愈拍愈放，令Chloe及Yong取笑她身材冇「負擔」，跳躍時特別輕鬆！

女子組合Lacee Lacey穿上性感短褲拍廣告。

Halen（右二）很享受與隊友拍廣告的快樂時光。