王菀之唱作出頭踩入紅館

唱作女歌手王菀之（Ivana）入行六年，今年會在紅館舉行處女個唱，對於成為近年炙手可熱的唱作女歌手，她表示全因一直堅持音樂理念：「其實我都幾Proud Of自己以唱作歌手身份踏上紅館舞台，我會好好珍惜。（心急想開？）有朋友話我兩年前已經可以開騷，但自己唔心急，想準備好啲同埋吸收多啲舞台經驗先開。（成為女唱作人Icon？）唔好咁講，多謝大家畀面。」問到會否開班授徒？她謙虛地說：「唔會呀！我冇乜耐性教人，不過間唔中都收到其他人Send畀我嘅Demo，原來好多人都有音樂才華！」

Ivana成功之道在於一直堅持音樂理念。

Ivana以唱作歌手身份踏上紅館舞台。（資料圖片）