藍奕邦豪情唱夜店
歌手藍奕邦將推出全新Single《晚晚禮拜六》，新歌大玩夜店主題，連造型亦有八十年代懷舊風味。他坦言歌詞放肆敏感，擔心被電台或電視台禁播：「其實首歌係歌頌八十年代Disco文化，當時嘅夜場係好高貴，唔似近年，點知首歌一出街，竟然好多行內人讚好！」
藍奕邦坦言玩新主題全因社會充斥太多說教的歌：「咁唔係唔好，不過我淨係畀正能量人，自己冇得收，所以今次做啲令自己開心嘅音樂！」他透露將於下月5至7日假灣仔壽臣劇院舉行《又燦爛又糜爛之夜》音樂會，屆時將配合音樂跳舞，希望歌迷可以接受全新的他。
藍奕邦坦言，社會太多說教歌曲，故新歌大玩夜店主題。
藍奕邦下月舉行音樂會，希望歌迷接受全新的他。