連詩雅戒薯片呻慘

歌手連詩雅（Shiga）憑青春活力形象獲護膚品牌邀請拍攝新廣告，貪靚的Shiga為免「包包面」入鏡，特別到美容院做瘦面療程，並每晚敷面膜保濕，務求以最靚一面示人。

周柏豪師妹連詩雅（Shiga）日前抽空為美國護膚品牌拍攝廣告，首次拍護膚品廣告的Shiga相當緊張：「經理人通知我接呢個廣告，我開心到大叫！之後就好擔心自己拍嗰陣個樣。我好鍾意食薯片o架！但怕生暗瘡，所以戒咗成半個月！最慘就係戒薯片，仲辛苦過跑四公里減肥！」

自封「水腫怪」的Shiga透露拍攝前曾做瘦面療程：「我屬於積聚型，每次上鏡塊面都好圓，所以拍之前成個星期都唔敢飲太多水，仲去咗瘦面添。（酬勞好高？）新人嚟講算滿意，其實錢唔係最重要，最緊要係有拍攝機會！」Shiga感激廣告商給她機會：「唔係有呢次機會，都逼唔到自己做番運動， 順便減肥，一舉兩得！」

單身族熱愛工作

另外，Shiga近日忙於為新歌《讓我享受談戀愛》宣傳，歌名令人誤以為她已墮入愛河，Shiga解釋：「唔係，好多人都問我係咪拍緊拖。」問到會否渴望拍拖？Shiga說：「現階段唔諗呢啲，依家以工作為主。」