唐文龍殺出血路

唐文龍四年前離開無綫，隻身到內地發展演藝事業，除拍攝劇集外，最近還忙於電影工作。他坦言感激無綫當年的鍛煉，這個恩一世不會遺忘。

藝人唐文龍四年前孤身到內地發展演藝事業，由當日人生路不熟到現在上了軌道，他坦言經過苦功去加強脈絡：「我初時到內地，朋友都冇一個，經過時間先搵到朋友，慢慢打開市場接劇，喺內地發展唔係真係大家想像中咁容易搵人仔。」

四年前離開無綫的原因，唐文龍自言是個人性格，促使挑戰自己，他認為需要向外闖事業，不想故步自封：「我2000年入無綫，我一日係無綫藝人，以後佢都係我恩師，無綫畀咗好多經驗同鍛煉，我呢一世都唔會唔記得。我嘅知名度、有人搵我拍戲，極大部分係我之前喺無綫拍劇喺內地播。」

唐文龍現在於內地拍了多個劇集，已經站穩了陣腳，而且剛簽了SKYKEE經理人公司，現正積極拓展電影市場，先後接拍包括秦小珍執導、陳嘉上監製的電影《四大名捕》、金像攝影師潘恒生執導的《紫宅》，稍後並將開拍《知了的夏天》。

讚林心如Nice

早前唐文龍更與台灣藝人林心如合作電影《繡花鞋》（暫名），對於與林心如合作，他表示對方相當友善：「第一次同佢合作，我哋喺蘇州拍攝，佢飾演我弟婦，佢份人真係好Nice又隨和，冇架子。」唐文龍表示不會放棄拍內地劇，因為電影和電視的觀眾層面不同，需要同時兼顧，辛苦一點也值得。